المهزلة الادارية بالروضة الحكومية الثالث بالرس !!!

[‏Kunzite]

..



بسم الله الرحمن الرحيم

اول شي بتكلم عن شي واقعي وصاير بالروضة الحكوميه الثالث بالرس

نبدا بالمديرة الحالية اللي كل ماقالوا لها شي قالت
( انا هذي اخر سنة واتقاعد ) !!!
طيب يا اختي ماعلينا منك تقاعدي وريحي وارتاحي
بس لاتمسكين المسؤولية وانتي مو قدها
وكل ماقلنا لك شي قلتي انا مالي شغل !!

والمراقبة المسؤوله عن طابور الاطفال ( اللي بمسمى معلمة وتاخذ راتب معلمه مع انها مارقبه !! ومعروف إن الاداريه راتبها اقل ) ومديرة التوجيه السابقه " منى الخليفة " هي اللي سامحة بالشي هذا ومعطيتها الصلاحيات وقالت قدام المدرسات بالحرف الواحد ( لاتاخذ الا نص ساعه بس !!!)
ومع هذا كلة ما حمدت ربها على اللي هي فية راتب مدرسه كامل وهي اداريه ونص ساعه باليوم بس وقامت تتدخل بكل صغيره وكبيره تصير بالروضه !!

الحين عاد بتكلم عن المدرسات اللي يبغى لهم سنة كاملة اتكلم عنهم

والله مهزله !!
تدرون انه يبداء الدوام وينتهى وبعضهم نايمات !!!
لا بعد فيه منهم مدرسات يدخلون الفصل ويقفلون علشان ماحد يدخل ولا تسمع الا اصوات الشخير !!!
والباقي عند الدفايه وتقطيع بخلق الله وحش !!
هذا كله بالروضه !!

والاطفال المساكين اللي يتنقلون من فصل لفصل وكل صباح وموال كل يوم بنجمع الاطفال بفصل واحد او مانجمعهم !!

وهذي الهوشه تصير كل يوم والمصيبه انها قدام الاطفال !!

وكل هذا ليه !!
تخيلو بس علشان المدرسه ماتدخل الفصل الا نص ساعه

يعني كل يوم هواش قدام الاطفال علشان نص ساعه !!
والباقي نوم !!

اما الغياب الاستاذان فحدث ولا حرج
لايمكن يمر يوم بدون ماتغيب كم معلمه و تستاذن كم معلمه ثانيه

وعلى فكره !
ترا الغياب والاستاذان لناس وناس لا
يعني المدرسات اللي راضيه عليهم مديرتهم الاولى ( اللي هي الحين بالتوجيه ) يسمح لهم بالغيابات الى مالا نهاية
والباقي المغلوب على امرهم ممنوع

وطبعا مديرتهم الحالية ( اللي بتتقاعد ) كل ماقالوا لها شي قالت مديرتنا الاولى قايله كذا !!
طيب يا اختي وين المديره الاولى الحين !!
خلاص تركت الادارهـ وراحت للتوجيه مفروض تصير عندك انتي شخصيه وتحطين قرارات خاصه بادارتك
مو كل شي ترجعين لها وتسالينها وش اسوي وش اقول !!

الى متى هذا الاستهتار مافيه روضة بالرس كلها لا مو بس بالرس بالسعودية كلها يصير فيها كذا
وكل هذا ياثر على نفسيته الطفل !
واللي مايصدق يجي ويشوف بنفسه النوم والدفايات والاطفال اللي ضايعين بين الفصول !

نسخة من هذا الموضوع الى :
1 / المديرة الحالية ( اللي بتتقاعد )
2 / المديرة السابقة اللي يرجعون لها بكل شي مع انها الحين تاركه الادارة وهي الآن ( موجهه )
3 / الى موجهه الروضه الثالثه الاستاذه ( شيخة ) اللي مدري وينها عن هذي المهزله مع انها تزور الروضه بشكل اسبوعي !!
بس انها مثل ماتجي تروح !! ماتسوي ولا شي

همسة صادقه لكل المدرسات والى الموجهه شيخه ..
الله راح يسالكم عن كل ريال تستلمونه وعن الاطفال اللي بذمتكم

خافو ربكم بس ..

والسلام عليكم ورحمة الله وبركاتة

[الماس]

اتمنى يكون ماكتبتية شاهدا لك لا عليك يوم القيامة

[خلف الحربي]

نسخة من هذا الموضوع الى :
1 / المديرة الحالية ( اللي بتتقاعد )
2 / المديرة السابقة اللي يرجعون لها بكل شي مع انها الحين تاركه الادارة وهي الآن ( موجهه )
3 / الى موجهه الروضه الثالثه الاستاذه ( شيخة ) اللي مدري وينها عن هذي المهزله مع انها تزور الروضه بشكل اسبوعي !!
بس انها مثل ماتجي تروح !! ماتسوي ولا شي

..... ياليت نسمع او نقرأ رد الاطراف المعنية لتجلية الحقيقة ؟؟؟؟؟؟؟


.

[ند الورد]

اتمنى يكون ماكتبتية شاهدا لك لا عليك يوم القيامة
ربنا سوف يحاسبهم ماعلينا إلا الدعاء لهم بالهدايه

[فآعلة خير]

لا آعلم آختي مآكتبتهـ آنآملكـ
خوفآ على الاطفآل ام حقدا على آحد المعلمات او المديره او الادآيارت
لكن آذ كآن ماتقولينه صحيح لمآذا لم تقآبلينهم وتتكلمين معهم عن مآيحدث ؟ّ!
لمآذا لجآتي لنت والمنتديآت ؟!
//



//
يعني بتعلمين النآس والعالم اللي يصير فيها مستحيل احد يصدق الا اذا اثبتي بدليل والا شي
ومن وجهة نظري انك تواجهينهم وتتتكلمين معاهم اذا قصدك تبين خير مو تتكلمين من وراهم بالمنتديات
ليه ماتواجهينهم كل هذا خوف ؟
والا ماعندك القدر ه على المواجهه اذا معك حق وكلامك صحيح واجهيهم
مو تهايطين من ورا الشآشات
،،
اتمنى يكون ماكتبتية شاهدا لك لا عليك يوم القيامة

[ksa]

للاسف اختنا ... فقد جافيتي الحقيقه
اولا .. بالنسبه للمديره الحاليه ..
فهي مجتهده .. ولم نسمع عنها الا كل خيـر
وخير شاهد على ذالك مجهودها بالانشط المقامه بالمدرسه ..
وتعاملها مع اللبق مع جميع المعلمات .. وحسن التصرف معهن.. والاهم هو المساواة
واذا كانت بالفعل سوف تتقاعد .. فهي خساره على رياض الاطفال والتعليم بشكل عام
اما من ناحية المعلمات ...
ارجو تحري الدقه في نقل الخبر .. فكلامك عنهن لايمت للحقيق بصله
وواضح من كلامك حقدك الواضح على جميع منسوبات المدرسه
وحتى راتب المراقبه ماسلم منك > اللهم لاحسد
ومن كان بيته من زجاج لايرمي الناس بالحجـــر ...!!!!

[تغاريد الرس]

الأخت (Kunzite)
بعد قراءتي للموضوع لاحظت أن مادفعك على كتابة هذا الموضوع الحساس هو دوافع شخصية بحته خاااااصة بك في الوقت الحالي...وما جعلني أتهمك بهذا الاتهام هو أن وضع المعلمات الذي ذكرتيه كان من زمااااان( يوم كانوا أولادي بالروضة قبل عدة سنوات وهن على هذا الحال لم يتغير ( أين أنتي كل هذه الفترة ) ؟؟؟؟؟؟ساكتة عن الحال يعني راضية والراضي كالفاعل ...وش اللي صاير لك خلاك تفضحينهم مرة وحدة بالانترنت ؟؟؟؟
هل ناقشتي هذا الوضع مع المديرة السابقة ؟؟أو المشرفات السابقات أوالمشرفة الحالية أو ناقشتي المديرة الحالية أو المساعدة الثانية ( على فكرة ماله أي ذكر بالموضوع أو ماعندكم مساعدة ؟؟؟؟؟)ولم تجدي حل لهذا الوضع ولجأتي لنشرة على الأنترنت ؟؟؟؟
على العموم ما نقدر نحكم على القضية لأن فيها عدة أطراف لابد من سماع رأيهم حتى لا نظلم أحد .....
أما بالنسبة للمديرة الحالية الأستاذة القديرة ( سلمى البطاح )
فأنا أرى أنك جانبتي الحقيقة ..فالاستاذة مشهود لها بالأخلاق الفاضلة و المعامله الحسنه والادب والأحترآم والطيبه مع جميع منسوبات الروضه بدون استثناء .. ومراعاة ظروف الجميع ..!!
واخر ماسمعت من أحد المعلمات في هذه الروضه انها تمر بظروف خاصه " والدتها مريضـه " تحتاج الى مرافقه بالمنزل فسمحت لها المديره الآستاذه [سلــمى] بالحضور للروضه والاستئذان يومياً ..[ مين يلقى مديره مثل هذه ] اللي نعرفه في باقي المدارس أن المديره اللي تراعي ظروف المعلمـات تسمح بهذا الموضع يوم يومين بالكثير اسبووع ولكن بعدة اسابيع هذه قمـــــــــة في التعـامل مع المعلمـات ..!!
بس الصرآحـه ماعندك احد !!!! معلمـات ماينفع بهــن المعروفـ آي ردة فعـل من المديره تخالف اهوائهن ينسن كـل شيء وهذه ينطبق على جميع معلمات الروضه الثــالثــه بدووون استثنـاء
تحــــــــيه خآصـه ..
للمساعده المثاليه والمديره الحاليه الآستاذه القديره (سلمى البطـاح )

[فراشة الروضه]

وشي الروضه الحكوميه الثالثه اسمها اكبر منها .... انا اول مره بحياتي كلها اشوف روضه عدد مدرساتها اكبر من عدد الاطفال ...روضه امراء على غفله !!!
:rolleyes:
نبدا بالمديرة الحالية اللي كل ماقالوا لها شي قالت
( انا هذي اخر سنة واتقاعد ) !!!
طيب يا اختي ماعلينا منك تقاعدي وريحي وارتاحي
بس لاتمسكين المسؤولية وانتي مو قدها

احمدو ربكم انها ماسكه شغل اساسا لغيرها صارت مديره وهي مساعده ...اتحدى وحده منكم ياللي تسدحون على قولتكم تصير مديره !!
ولو كلامك صحيح حبيبتي ماكرموها السنه الفايته
والمراقبة المسؤوله عن طابور الاطفال
اي طابور؟؟؟ قال صفو صفين ..قال احنا اثنين
والله مهزله !!
تدرون انه يبداء الدوام وينتهى وبعضهم نايمات !!!
اول جمله تقولينها بموضوعك صح ..
ياناس اتقو الله ....مديرتكم مدلعتكم دلع مو طبيعي وماتقول لكم شي ..ويكفي شايله الروضه ومشاكل مدرساتها وليس اطفالها على راسها والظاهر ماراح تقاعد الا من مشاكلكم
والله اننا نطل عليكم من فوق ونتحسر على اعمارنا ... تعالي للمتوسط والثانوي وشوفي الكرف
او روحي لاي روضه ثانيه
حللو رواتبكم شوي ....كله نوم وقهوه:rolleyes:


تحيه للمدرسه المخلصه:eek:

[فوق النقد]

..{ السلآم عليكم ورحمة الله..~


المدآرس الحكوميه ماعليها ضغوط مثل المدارس الاهليه..~


والفصل تلاقون 50 مُدرسه على 3 بزران..


وشيخه جودها على المدارس الاهليه بس تخسف البنات 10 \ 20 درجة والمدرسة الحكوميه ماعليها من احد..~


مع امكانيتهم واستعدادتهم اكثر من لاهليه..~




}..

[فهد العبدالله]

يقول الله عز وجل:

{إذ يتلقى المتلقيان عن اليمين وعن الشمال قعيد ما يلفظ من قول إلا لديه رقيب عتيد} [ق:17-18].

في هذه الآية تذكير للمؤمنين برقابة الله عز وجل التي لا تتركه لحظة من اللحظات، ولا تغفل عنه في حال من الأحوال، حتى فيما يصدر عنه من أقوال، وما يخرج من فمه من كلمات؛ كل قول محسوب له أو عليه، وكل كلمة مرصودة في سجل أعماله: ما يلفظ من قول إلا لديه رقيب عتيد [ق:17-18]. يسجله المكان في الدنيا ويوم القيامة ينكشف الحساب ويكون الجزاء .


أرجو أن نكون جميعاً مخلصين النية لله عزوجل في كل ما نكتب وأنت نتوخى الحذر .. وأن نتقي الله عزوجل في كل حرف نقومون بكتابته


وأن الله عزوجل سوف يكافئنا على كل كلمة كتبت لوجه الكريم

وكم نحن بحاجة إلى التناصح والتذكير بواجب المسلم تجاه أخيه المسلم وان كان هناك اي ملاحظات المفروض تكون لصاحب الشأن
قال الرسول الكريم صلى الله عليه وسلم
( الدين النصيحة )

ارجو تقبل رائي بصدر رحب

[...]

بسم الله الرحمن الرحيم ..}~
أختي كاتبه موضوع (المهزله في الروضه الحكوميه الثالثة)..!
أصلاً أسم الموضوع نابع منك ..!
لأنك أنتي مهزلة خارج الروضه وداخلها..!
حسني أوضاعك ياختي وبعدين تعالي حسني أوضاع الروضه ..!
أللي بعد (17) عاماً تأكليين فيها عيش وملح مع زميلآتك ..!
وأصبحـت ألحييين في نـظرك مهزلة ..!
وأنتي وييينك ..؟
من هالمهزلة أللي تقوليين :
مع نـص ألمعلمآت أللي جآلسات عند الدفـآية ويحشن بالـنـآس ..!
ولآ مع ألنص ألأخـر أللي قـافلآت الفصول ونـآيـمـات ..؟!
كل هذآ ذمة وضمييير فييك توهـ يصحى..؟!
’,
يآختي التعليم في الروضـآت كلة مثل بعضة ..!
أذا كنتي حـاسة أنك ماتأديين واجببك ..!
وأنك مقصرهـ..! أنقلي لمدارس غير تحلل الرواتب ..!
موب جالسه بالفصل ومعك (ثنتين)من زميلآتك ..!
وطالبيين بزميلتك الرابعة اللي ولدها تعبان تأخذ مثل مآتأخذيين من البرنـامج ..!
نسيتي يوم تشرشحينها بآلأدارهـ قبل شهر قدام المشرفة ..؟!
وتقولييين : أذا كـانت تبي تأخذ ساعه لعب مانبيها معنا بالفصل !!!
((بس الله مايضيع أحد ..!))
وقالوها: { أللي مايقدر ظروف الناس ماتقدر ظروفة }..
’,
وبعدين يـاصــآحبة المهزلة ..
ميين نصدق في موضوعك ..؟
أنتي بديتي برئيسة ألأشراف ..!
ثم المشرفة ..!
ثم المديرهـ السابقه أللي كآنت سمعه الروضه ينضرب فيها المثل ..!
ثم المديرهـ الحاليه أللي معروفه بطيبتها مع الكل ..!
ثم الأداريات ..!
وأخرتها زميلاتك داخل الروضه ..!
عييب والله عيييب ..!
يعني الكل ماهو عاجبك ..؟!
وحتى راتب زميللتك مآسلم منك ..؟! مع أنة من الدولة مو من جيـبـك !!!
الحمد لله انك ماشفتي راتب الحارس كم ؟!
ولآكـان ماسلم من المهزلة يــا((مـــــــــــــــهـــــــزلـــــــة)) ..!
كل هاذا عشان الكرهـ والحقد اللي فييك ..!
’,
وأخييراً أنصحــــــك :
((في التوبة الى الله وترك الناس في حالهم))..
لأنك سوف تحاسبين على ظلمك وكذبك على الجميع ..!
’,

[شهاده لله]

رد على موضوع الاخت .. (Kunzite)نبدأ اولآ .. بكلامك عن المديره الحآليه هي فعلآ بتتقاعد لكـن كثر خيرهأإ اللي جلست تدير الروضه مؤقتآ وإذآ فيكـ خير ليه رفضتي تكونين مكآنه..؟!
مع ان التوجيه قآلوآ اللي ترغب تكون مديره تمسك الاداره ومدآآمكـ انسآنه شآيفه الغلط وحقآنيه على قولتكـ .. ليش مآ مسكتي الأدآره وعدلتي الغلط اللي انتي شآيفه ... !! ثآنيأإ .. ابسألك بربك عمرك غبتي وقآلولك إن الغيآب ممنوع .. ؟ وعمرك استآذنتي وقالولك ان الاستئذان ممنوع .. ؟ ولا على شآآنك استئذنتي اسبوعين متواصلآت ..؟ وآتحـــدآك تنكرين
وهذآ تقدير من المديره لظروفكـ .. ويوم بغيتي الاسبوع الثآلث رفضت وهذآ من حقه لان كل انسآن عنده ظروف مو بس انتي .. آمـــــــــآ تخـآفين الله تقولين الاستئذان لناس وناس لآ ..؟ قولي من اللي يستأذن كل يوم ..؟ وصآر لها سنتين على هآلحآل معلمه عندهآ طفل مريض بسرطان الدم وتطلع يوميآ تعطيه الكيمآوي وانتي تكلمتي عنها بشماته بالأجتمآع اللي حصل بالروضه امآم جميع المعلمات والموجهه ايضآ .. فخآفي ربكـ لآ يبلآكـ .. تحسدين النآس حتى على المرض ..؟
ثآلثآ .. بالنسبه للمديره السابقه (( ام مشآعل )) فهي تآج على راسك وراس غيرك وشهادتي فيها مجروحه .. لاني اعتبرها ام لي ولغيري من المعلمات .. امثآلك للاسف .. ورجوع المديره الحاليه لهآ لا يعتبر عيب .. بل بحكم خبرتها والمامها بشؤون الروضه ..رآبعآ .. بالنسبه للرواتب اللي انتي طلتيها يآختي الله يعز الحكومه اللي تعطيهم مآ عطيتي هم شي من جيبكـ .. صحيح لو الرزق عند النآآس قطعوه ..
خآمسآ.. كلامكـ عن زميلاتكـ فكيف لك ان تعاشري ناس اكثر من 16 سنـه ثم تصفينهم بهآآذي الصفآت
فـ والله لآادري بأي وجه ستقآبلينهم وتجلسين معهم .. ولكن صحيح اذا لم تستح فآصنع مآشئت .

[عبدالرحـمن]

اراء لاداعي للتشهير ..؟

يوجد جهات رسميه مسؤله عن ذلك ..

[فهد العبدالله]

يرجى من الادارة غلق الموضوع

[مدير تقنية المعلومات]

تم غلق الموضوع لحين ابداء وجة نظر ادارة المدرسة او مشرفة قسم رياض الاطفال حول حقيقة ما ذكر هذا وسيتم عرض المشاركة والردود على الجهات المختصة